Aghjugna à u vostru librettu di strada

Jean-Georges MARCADAL et Fils

SOLEDORU

Clementini IGP

Accolta : Da nuvembri à a mità di ghjinnaghju, ogni ghjornu, 8 ori di mani - 4 ori di sera.

I tarritorii : Corsica Livantina

I catigurii : In ghjiru à l’arbureti è l’orti

I pruduzzioni agriculi : A clementina di Corsica

Isciuti da parechji ghjinirazioni di vignaghjoli, Jean-Georges è Mireille Marcadal ani cuntinuatu u prughjettu agriculu di i so parenti. È puru, à u mumentu di a trasmissioni, pigliani a dicisioni di cambià di cultura è scumettini nantu à u sviluppu di a clementina. « Me moglia ed eiu aviami capitu chì a viticultura com’ella era praticata tandu si strangulava. Aviami piuttostu sceltu d’invistiscia si ind’un’antra cultura. È dunqua ci hè vulsutu à dicippà ettari di machja è pona i nostri primi arburi », spiega Jean-Georges Marcadal.

A seguita hè cunnisciuta : a clementina corsa s’hè sviluppata bè è i pruduttori chì aviani participatu à sta ricunniscenza ani pussutu, senza ghjucà nantu à i parolli, sfruttà ni l’idea !

Oghji, u duminiu Sole d’Oru riprisenta più di 50 ettari è a rileva hè assicurata ind’è i Marcadal. S’è Anthony, u minori, hà subitu suvitatu u filu di u babbu, à l’incuntrariu, Vincent, u maiò, hà prifiritu prima prufissiunalizà si in altrò nanzu di vultà, riccu di a so spirienza, pà cuntribuiscia à u seguitu di u sviluppu di u duminiu. Hè oramai in famiglia è cù serenità ch’elli vedini l’avvena di a so filiera !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu