Aghjugna à u vostru librettu di strada

Renée KRAN

Accolta : Accolta : visita guidata cuttidiana à parte si da 16o, d'aprile à sittembre / 15o à parte si da u 1u uttobre sinu à u 1u nuvembre / nantu à riservazione a vigilia, visita à 10o, suvitatu da un brunch / pigliendu appuntamentu per i gruppi è fora di i periudi.

I tarritorii : Balagna

I catigurii : In ghjiru à l’arbureti è l’orti

I pruduzzioni agriculi : I frutti è ligumi di Corsica

~~Un vechju sonniu zitellinu s’hè rializatu per Robert Kran. Zitellettu, passava a maiò parte di u so tempu in a furesta, prutettrice, generosa, maravigliosa. “Più tardi, mi faraghju a mo piccula furesta !” si ricorda Robert, aduliscente tandu.

È cum’ellu hè un manghjone, sarà una furesta d’arburi fruttuti ! Un primu giardinu-fruttetu per u piacè nasce in Balagna in u 1979, è in u 1994, i primi arburi fruttuti sò piantati à mezu à u giardinu attuale.
Subbitu à u so scontru, unipochi d’anni dopu, Renée s’insirisce in u prughjettu di Robert.

Cumencia tandu u travagliu di messa in cultura. “Vuliamu custituisce un giardinu induve i frutti venerianu à maturità longu à l’annu incù diverse varietà, conta Robert, passiunatu. Aghju pigliatu prestu cuscenza di u cambiamentu climaticu. Hè per ciò chì aghju avutu l’idea d’acclimatà spezie venute da mezi secchi trupicali.

Dopu à numerose sperimentazione (incù fiaschi ma dinò riescite !), u giardinu apre e so porte à u publicu in u 2014 è prisenta oghje quasgi 80 spezie è 1000 varietà di frutti ! Renée face dinò per u visitadore una gamme di dece prudutti venuti da u giardinu d’Avapessa cum’è u turrone mollu, a cunfittura o ancu amandule siccate.
 U Jardin Botanique Fruitier, veru nidu di tranquillità è di cunniscenze, hè un locu chì ùn si pò schisà per i chjuchi quant’è per i maiò !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu