Aghjugna à u vostru librettu di strada

Raphaëlle et Camille PEIGNIER ASTIMA

Le Verger de Raphaëlle

IGP Nucigli è cunfisaria - Oliu è farina di nucigli – Oliu d’aliva AOP - Cunfittura di fichi - Visparinu à a tinuta agricula

Accolta : Tutta l’annata nantu à appuntamentu

I tarritorii : Corsica Livantina

I catigurii : In ghjiru à l’alivu è u castagnu, In ghjiru à l’arbureti è l’orti

I pruduzzioni agriculi : Oliu di Corsica, Nucigliuli è amanduli, I frutti è ligumi di Corsica

Zitedda, Raphaëlle passa tutti i so vacanzi in Cervioni, paesi nativu di a so mamma. È hè in Corsica ch’edda spera di stallà si, dopu avè uttenutu u so diplomu d‘inginieru agrunomu in 1993. Un annu dopu, mentri ch’edda hè ingaghjata nantu à a stallazioni d’irrigazioni di Migliacciaru, a dunnetta scontra à Francis, pruduttori d’agrumi è di chivì. Scopri cun eddu u travagliu di a tarra è issu bisognu naturali di valurizà u patrimoniu. Una spartera chì diventa di sicuru una vera unioni !

In 2001, Raphaëlle piglia a dicisioni di pruducia edda stessa alivi, nucigliuli è fichi à nantu à i tarri di u so maritu chì ùn erani sfruttati. In issu mentri, crea una tinuta pedagogica, duva campani oghji in armunia cavaddi, sameri, cavadducci, abi è assai altri animali.

« Hè di primura di trasmetta à i ziteddi u nostru rapportu à a natura è tuttu ciò chì si pò fà cun edda. Scopra u mondu agriculu in issu modu,  hè una maraviglia pà i più chjuchi, è un arricchimentu pà mè stessa ! »

Ci sò stati mumenti pinibuli ind’a vita di Raphaëlle - l’ultimu essendu u focu chì hà distruttu di sittembri di 2013, una parti maiò di a splutazioni famigliali. – chì ùn ani micca rimissu in causa a so tinacità è a so passioni : « Ci hè statu dopu à u focu, una mossa di sulidarità magnifica. Allora ùn aghju micca calatu i bracci. Ci crergu, è tantu chì piaci ciò ch’omu faci,  issa vita quì vali u colpu d’essa campata. »  Bedda lizzioni di vita…