Aghjugna à u vostru librettu di strada

Marie Jo et Jean Claude MONDOLONI

Terra e Focu

Attellu di ceramica

Accolta : FILITOSA : da u 1u d’aprili à u 31 d’uttrovi.

I tarritorii : Sartinesi Valincu Taravu

I catigurii : L’artighjani

A’ spessu, omu t’hà u pelu di a furtuna addossu ! Quandu Jean-Claude Mondoloni s’appronta à parta da l’isula pà cuntinuvà i so studii, faci a scuparta di i furmazioni d’artighjanatu insignati in Corti ind’ì l’anni 70. Prima, studia l’ebanistaria in Pigna è un ghjornu entri (à casu) ind’é l’attellu di terraglia d’André Truchon. Eli Cristiani, u so amicu, ci faci u so staziu. Eli divintarà u so maestru in u 1975 !

“Socu statu subitu incantatu da a tecnica di u tornu ! Ripiglià una furmazioni cù Eli ùn era un prublema, mancu à pena. A’ l’incuntrariu issa idea di tramandera era di primura par mè. Dà un sensu à i nuzioni di spartera, di sapè è d’arricchimentu intillittuali.”, conta u nostru pignulaghju cù i so 40 anni di spirienza !

Hè cù a so moglia, Marie-Jo, ch’eddu crea l’attellu Terra è Focu in u 1995, dopu à deci anni di cullaburazioni. Insemi, inventani è impastani i so criazioni : Jean-Claude, passiunatu da i tecnichi di u smaltu ; Marie-Jo, spicializata ind’a dicurazioni pinta di i piatti, buccali è altri ughjetti di tarra cotta. Cù sempri a stessa maraviglia à u mumentu di l’apartura di u forru è sta “surpresa di scopra u risultatu di i nostri ricerchi !”

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu