Aghjugna à u vostru librettu di strada

Jeff NICOLIER

Legnu Nustrale

Turnidori pippaghju

Accolta : Da ghjugnu à uttobre, da u luni à u sabbatu (hè megliu à tilifunà nanzi).

I tarritorii : Sartinesi Valincu Taravu

I catigurii : L’artighjani

Curiosu di natura, bramosu di criazioni manuali, Jeff Nicolier piglia a dicisioni di suvità un staziu di fabricazioni di radicotti di pippi à a fini di l’anni 90. Issa piccula industria avia cunnisciutu un’epica gluriosa in Corsica à u seculu passatu. Hè trascurrendu a Corsica è scuntrendu l’ultimi pippaghji di a Castagniccia chì Jeff Nicolier s’era intarissatu à st’attività. Forsi ci hè stata una bona sorti, u fattu si stà chì a fini di u so staziu cascava à tempu à una chjama à candidatura di a merria di Fuzzà chì, in u 1998, circava à favuriscia a stallazioni di nuvelli artighjani ind’u paesi. Jeff Nicolier, chì ùn temi i sfidi, criò u so attellu in Fuzzà a stessa annata. Subitu nascini i primi criazioni è i primi clienti francanu u zogliu di u so attellu.

« I riazzioni erani assai incuraghjenti, tantu ind’è i visitatori di passaghju cà ind’è i paisani, filici di veda riviviscia à pena u paesi », cunfidi Jeff. À bastanza prestu, si sfarinzieghja par via di a so urighjinalità è a qualità di i so criazioni (pippi, penni, vapurizatori…) chì anu una particularità : sò tutti essenzi di legni lucali. À l’ora di u « Made in China » ghjiniralizatu, di sicuru chì l’amatori è passiunati di travagliu riisciutu è bellu sarani filici di scuntrà torna artighjani simuli ind’un paisucci di Corsica.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu