Aghjugna à u vostru librettu di strada

Catherine D'ANGELI

Atelier Codolina

Ceramica d’arti / Raku è terraglia di petra rinaghja

Accolta : Da u luni à u vennari / principiu d’aprili à a fini di sittembri, da 10 ori à 7 ori di sera / u restu di l’annata, nantu à appuntamentu

I tarritorii : Balagna

I catigurii : L’artighjani

Catherine d’Angeli hè sempri stata una criatrici. Da zitella dighjà, cunfizziunava i panni di i so puppattuli pà cuntinuvà dopu à mudillà i so vistiti propii, quand’ella era  ghjuvanetta ! A so carriera prufissiunali in a ‘Côte d’Azur’, ind’un antru duminiu, ùn l’hà micca alluntanata di stu stintu criatori. « A brama d’amparà a terraglia, par un dettu, l’aghju sempri avuta in menti. L’iniziera è u scontru cù l’artighjani furmati ind’a scola di Vallauris m’ani cunvintu : ci vulia ch’e sighi in fini eiu stessa, è i mistieri di l’arti erani di sicuru un affari evidenti da u principiu ! » dici Catherine cù umilità. Dopu à una furmazioni d’un’annata, in u 2003, furmazioni à « l’Arti di u Focu », piglia a dicisioni di cambià di vita è quista sottintendi ch’ella vultessi in l’isula. « Santa Reparata di Balagna hè statu u locu sceltu pà stallà u me attellu – l’attellu Codolina apri i so porti in u 2007. U calmu è u spaziu sò  elementi di primura pà a criazioni ».

I pezzi di petra rinaghja è di ceramica raku (tecnica di cuttura è d’affumichera vinuta da u Giapponu) di Catherine dumandani assai cura è pricisioni. Hè sempri in cerca di smalti novi, di formi unichi nuvelli. Catherine  dissegna, prova, spiriminteghja tecnichi rigurosi.

A passioni zen, oghji com’è solu filu da suvità !