Aghjugna à u vostru librettu di strada

Carole TRAMONI & CAVALLERO Raphaël

C'era una Volta

Fabricazioni d’ughjetti di dicurazioni (petra, mittalu, legnu di fiumi è pinu Lariciu)

Accolta : Tutta l’annata.

I tarritorii : Balagna

I catigurii : L’artighjani

Raphaël Cavallero è Carole Tramoni ani stallatu u so attellu novu ind’a vicinanza d’Aregnu, vicinu à a ghjesgia rumana rinumata di a Trinità è di San Ghjuvanni Battista. Dopu à 8 anni passati in Munticellu (paesi nativu di Raphaël), u coppiu hè d’accunsentu cù l’idea di stenda u so spaziu di travagliu ! “I manighjati nicissarii par dà forma à a petra ; l’accatastera di i varii legni colti d’inguernu ; i criazioni d’ughjetti è i pitturi di Carole imponini eddi stessi un tarrenu di ghjocu assai più stesu ! “ Dici burlendu u dicuratori. “Dicuratori”, “artighjanu”, iè ma micca artistu ! “Ind’i nostri cumpunimenti, ci hè un veru sensu di l’artighjanatu è nanzi à tuttu un travagliu di u materiali. Un pocu com’è ind’a cucina ! (allusioni à a so spirienza ind’a risturazioni)!”

Com’è Raphael, chì hà studiatu a storia di l’arti, Carole pussedi una furmazioni artistica, suvitata in l’anziana École des Arts Plastiques di Lupinu, quartieru di a cità di Bastia. I so opari pitturali custituiscini una leia trà tradizioni è ingaghjamentu, è l’ughjetti di petra è di legnu cuncipiti cù Raphaël riprisentani un mischiu di dulcezza è di spiritualità.

 C’Era Una Volta hè da veru una storia chì si scrivi tramindui !