Aghjugna à u vostru librettu di strada

Jean-Jacques BERNET

Stazzona Di Rustinu

Cultelleria - Stazzona

Accolta : Ogni ghjornu fora di i tempi di saloni è di fieri.

I tarritorii : Centru di Corsica

I catigurii : L’artighjani

À u principiu Jean-Jacques Bernet facia solu i culteddi par u piacè. Spicialistu in miccanica par i vitturi  hà sempri avutu sta passioni par i culteddi. Attacca à fabricà ni in u 1999, ampara da par eddu, cù scontri è litturi. Senza avè maestru, artisgianu pricisu, decidi – « un pocu à casu » ! – di fà ni u so mistieri in u 2009.

Dapoi stu tempu, à A Stazzona di Rustinu – chì hè sempri stata a so buttega di travaddu, vicinu à Bisinchi – ribomba l’alcudina senza piantà ! Spieca : « Ci vole à pruduce di cuntinuu per esse vistu da l’amatori è i sperti. « Fà si vede per ùn esse scurdatu ! » puderebbe esse u mio mottu ! » À Jean-Jacques li piaci innanzi tuttu u cuntattu quandu si veni à visità lu. Fendu fieri, saloni è marcati (à spessu intarnaziunali), st’omu passiunatu conta, spieca, di volti faci una dimustrazioni nantu à u locu di u so sapè fà d’artisgianu. Jean-Jacques dici schirzosu : « Mi sò avvistu chì i mio cultelli partianu à fà u giru di u mondu. Tandu, anch’eiu aghju vulsutu viaghjà ! ».

 A cunfessa,, ùn hè tantu bonu par venda – aghjusta cù un surrisu : « Ùn cunnoscu l’arti di u sbarazzinu ! »  ma, pocu impremi, u più chì conta hè : u sapè, a passioni, ascultà.

È quista hè arti !