Aghjugna à u vostru librettu di strada

Françoise BADOIL

POTERIE de GENTILE

Terraglia

Accolta : Da ghjugnu à ottobre, tutti i ghjorni, da 10o à 19o.
Altri periudi, pigliendu appuntamentu.

I tarritorii : Casinca - Castagniccia - Costa Verde

I catigurii : L’artighjani

“Credu chì sò a sola di a mo prumuzione à avè decisu di fà di a terraglia u mo mistieru !” caccia Françoise in una scaccanata cumunicativa. Durante a so furmazione à i Beaux-Arts di Marseglia à a fine di l’annate 1970, Françoise Badoil s’avvia versu una spezialisazione in “Arte è Ambiente” è scopre cusì l’arte di a terraglia.

A so strada hè dighjà tracciata ! Di ritornu in Corsica, si stalla in l’attellu di Campu di Santi è inizia ciò ch’ella chjama a so “amparera di u terrenu”. “Travagliavu à l’epica cum’è survegliante d’internatu a notte è cunsacravu e mo ghjurnate sane à studià e sfarente tecniche, à stabilì ricerche nove chì st’arte impone” conta a creatrice. In trenta cinque anni d’attività, sperimenteghju sempre i mo quattru smalti, ch’e principiu à ammaestrà !”.

Armata di furmazione chì s’aghjustanu à u so sapè fà, anzi tuttu à l’istitutu Ceramica di Sèvres, Françoise prupone à l’amatori una tecnica particulare è scarsa : a cristallisazione, nata di un sbagliu di calculu muleculare, in u 1897 ! “Hè circhendu chì s’intrattene una passione !” cunclude felice Françoise.