Aghjugna à u vostru librettu di strada

Fabien CAZORLA

Coutellerie Fabien Cazorla

Cultelleria - stazzuneria

I tarritorii : Casinca - Castagniccia - Costa Verde

I catigurii : L’artighjani

Veru, sputicu, passiunatu. Trè parolle chì currespondenu benissimu à u cultellaghju energicu di Scata !

Fabien Cazorla hà 24 anni quand’ellu scontra stazzunaghji-cultellaghji chì li trasmettenu u sapè fà è e cunvizzione per stu arnese cusì caru à l’isulanu. A filusufia pasturale hè dighjà stabilita bè ind’è Fabien, ardente prutettore di e tradizione ma soprattuttu di e so messe in pratica.

“Quandu maneghju una corna per fà un manicu, hè per dà un’antra vita à una materia urganica, spiega, Ci aghjustu u travagliu di u metallu. U mo Babbu è a mo surella s’incarigheghjanu certe volte di a scultura di i manichi. A cultella hè nata. Hà u so caratteru è deve tandu diventà u cumpagnu di quellu chì a compra. Micca fulcloru ! Una cultella, hè un arnese chì deve ghjuvà !”

Sta ricerca di l’autenticità corre in e vene di stu artigianu di 37 anni, passiunatu di musica (face pirule è pifane) ; di cavalli (hè ammaestradore) è di natura. « A robba si vanta a di per ella » riassume Fabien Avà hè detta !