Aghjugna à u vostru librettu di strada

Jocelyne BOYER

Atelier Vetrarte

I tarritorii : Balagna

I catigurii : L’artighjani

Ùn hè tantu cumunu u parcorsu di Jocelyne Boyer. Principia a so attività di vitraghja d’arte dopu à quindeci anni passati à a Casa di l’Artigiani di Pigna, cù a primura di u travagliu di issa materia : ceramica, legnu, tessile.

« Hè u vetru chì m’hà sceltu », cunfida da per ella Jocelyne. « Per a mo prima rialisazione, aghju risentitu un’emuzione tremenda, cum’è un raghju di lume. Hè a prima volta di a mo vita ch’o mi sentia propiu à a mo piazza ». Una rivelazione vera, un’evidenza. Dopu à una furmazione à u Centru europeu di ricerche è di furmazione à l’Arte vitraghji (CERFAV) in Francia, apre u so grande attellu in Belgudè, cù l’aiutu soprattuttu di a merria. Ci travaglia Jocelyne un vetru particulare assai, u vetru Massa, bullicinatu è tintu inde a massa.

Ùn abbolla micca u vetru a creatrice, chì praticheghja u fusing, u termoformagiu è u rinaghju. « Ci vole à entre inde a materia, pruvucà la, stirà la è circà a so limita, hè guasi un raportu carnale », dice l’artista. In u 2019, si busca u Premiu regiunale di i Mistieri d’Arte di Francia, in Marseglia, cù a so opera « Ambivalence ».
Per i so prugetti à vene, Jocelyne vole andà nanzituttu à scuntrà i so mudelli novi è purtà una riflessione nant’à e nostre sucetà oghjinche.