Aghjugna à u vostru librettu di strada

Carole MALLET

Atelier Mano à Mano

I tarritorii : Balagna

I catigurii : L’artighjani

À 30 anni spone Carole Mallet e so valisge in Balagna. Sbarcata di pocu da u Var, travaglia in un primu tempu in risturazione in u paese di Felicetu cuntinuendu dinù un’attività di creazione di giuvelli di fantesia.

Per quessa a girandulona, u calmu isulanu hè fonte di benistà Eppuru, mai ùn stancia di visità u so cuntinente predilettu : l’America Suttana.

Ghjè da custì ch’ella scopre a litoterapia, u studiu di e prupietà di e petre è di u so putere terapeuticu. Longu à l’anni, e so sperienze persunale li ci cunduce naturale. In u 2013, decide di cunsacrà si à e petre è basta, a so fattura è a cunfezzione di creazione uriginale. 

Scumparte oramai u so attellu cù Rachel Hoog, artisgiana ceramista ch’ella raghjunghje in u 2016, in u paese di Sant’Antuninu è inizieghja à tempu una furmazione in litoterapia in Toulouse ch’ella cumpierà da quì à l’estate 2021.

Attrazzata cù un diploma d’artisgianu d’arte chjappu in u 2019, vole puntà più in là e so ricerche. « Ghjè impurtante di cuntinuà l’amparere. Cum’è aghju amparatu eiu à zuccà e petre, vogliu avà fà prufittà à a ghjente di l’energia di i cristalli. Aghju trovu a meia è l’essenziale hè di esse in cumunione cù sè stessu » ci dice Carole. Oghje a lapidaria s’industrieghja ind’una tecnica nova : u tagliu di e corne di l’animali. Un travagliu ch’ella dice minuziosu per via di u trattamentu fattu. 

Vuleria allargà sta sperienza nant'à u metallu è a tecnica di l'incastunatura. Ùn ci hè da dubbità ch'ella hè appassiunata Carole !