Aghjugna à u vostru librettu di strada

Gladys MOEVI

Legni di Mare

Attellu di decoru in legnu gallighjatu.

Accolta : Da maghju à ottobre, pigliendu un appuntamentu à u telefonu.

I tarritorii : Sartinesi Valincu Taravu

I catigurii : L’artighjani

Solu qualchì cappiulata vicinu à l'ansa di Campomoru, hà stallatu Gladys Moevi u so picculu attellu induv'ella travaglia u legnu gallighjatu secondu a so ispirazione. "Dopu à una vita prufeziunale assai ampia, avemu decisu cù u mo cumpagnu di fà ci piacè. U puntu di partenza era u nostru amore di a natura in generale è di u legnu in particulare. Ci piace assai à spassighjà in bor'di mare è ogni volta eramu maravigliati di truvà pezze di legliu gallighjatu cù forme è culori assai uriginali."

Hè viaghjata in a mente di Gladys l'idea di travaglià sta bella materia da fà ne accessorii, lampane, opere, ventaghji o puru i caccia tappu... "À spessu ghjè a forma à l'iniziu chì ispira a mo creazione. Si trovanu affari incredibuli cum'è sta pezza di legnu chì s'assumiglia à una manu d'omu. Inde stu casu precisu, aghju solu aiutatu a natura, aghjustendu ci un'altra pezza di legnu inde a manu. È tandu si hè fattu una lampana". Senza custretta, ma cù appena d'incolla, qualchì chjodu, a pittura ognitantu, lascia Gladys Moevi u so stintu è a so ispirazione viaghjà cum'elli a sentenu per dà vita à unepochi d'ogetti.

Ritrovanu tandu issi pezzatelli di legnu arrecati da a natura, strapazzati da i torrenti è i currenti, un'utilità trà e mani manesche è u stintu creativu di Gladys Moevi. Un'illustrazione bella di u ciculu di a vita !