Aghjugna à u vostru librettu di strada

Lucrezia AGOSTINI

Casale Lucrezia

Camari è toli d’ospiti

Accolta : Tutta l’annata.

I tarritorii : Nebbiu - Capi Corsu

I catigurii : I toli & stanzi d’ospiti, ustarii agriculi & alloghji campagnoli

Hè cusì scantatu da tuttu è puru cusì vicinu di Bastia stu picculu paesi di Cagnanu chì supraneghja u mari Tirreniu è chì vi faci una prumissa di felicità eterna.

In unu di i paisoli ci hè un’anziana casa di maestru mintuvata in l’invintariu di u patrimoniu di u rughjonu : hè a casa induva Lugrezia Agostini, patrona di sti lochi, hà, da pocu tempu,  accunciatu cinqui camari d’ospiti : andemu à veda un pocu !

Stu locu incanta,  hè intimu è cunviviali è Lugrezia vi ricevi com’è sè vo fussiti  parenti. « Mi sò campata à crià ogni camara cù un ambienti à tempu garbatu è urighjinali. Mamma m’hà aiutatu à circà ind’è i rivindaroli, ind’è l’anticarii o ind’i butteghi spicializati in l’arti dicurativi. » À chì fà ? una casa piena di lumu induva si senti una musica di gioia è di benevulenza…In coppiu o trà amichi, ci si spartini stondi di cuntintezza.

Ùn basta u beddu, ci s’aghjusta u bonu chì ci hè una tola d’ospiti par assaghjà – quali a sà, v’affaccheti sta sera ?– u so suffritu cù a toma corsa è i fichi di l’ortu o u so dulciumu cusì bonu di farina castagnina. « Mi piaci à riceva la ghjenti è à scucinà piatti boni par i me ospiti…a me cucina trova a so ispirazioni in i prudutti freschi è sputichi di u Capicorsu è i so circondi…è dinò i piatti chè mamma m’appruntaia quand’era chjuca. »

Appena spuntatu u soli, u sdighjunu hè purtatu nantu à a tarrazza è, in i circondi si vedi u turchinu, u verdi, u celi, u mari…