Aghjugna à u vostru librettu di strada

Marc et Christine FINIDORI

Les Bergeries De Piscia

Tinuta agricula - stanza d’ospiti

Accolta : tutta l'annata (meziornu-sera), riservazioni a veghja.
stanzi d’ospiti à nantu à risirvazioni in meza pinsioni
spassighjati in calescia

I tarritorii : Sud Corse

I catigurii : L’addevu, a robba purcina, i casgi, I vini, I toli & stanzi d’ospiti, ustarii agriculi & alloghji campagnoli

I pruduzzioni agriculi : U viteddu di Corsica, I Vini di Corsica

U duminiu di a famiglia Finidori si stendi à nantu à guasgiu 50 ettari chì supraneghjani u golfu di Vintilegna ind’una vista à 180 gradi  sinu à a cala di Figari, è sottu à u sguardu di l’Omu di Cagna - cima rinumata di u Meziornu di a Corsica.

Ognunu ci teni u so rolu : Maxence pruduci a roba purcina ; Marie s’accupa di i cavaddi è Matteo, frateddu minori, hà postu i so primi lenzi di vigna à l’età di 17 anni ! Christine è Marc survegliani sta framesca. Ma participeghjani sopratuttu di modu attivu ! 25 anni fà, nasciani i stazzali di Piscia, un’ustaria agricula cù una piccula sala di risturanti è dui stanzi d’ospiti. Oghji ci hè 12 stanzi cù una dicurazioni studiata è ricircata chì facini a campa di u visitatori. Christine s’arricorda è conta : « Marc avia 250 capri è pruduciami u nostru propriu furmagliu. Faciami tandu a turnata di i paesi ind’una piccula vittura. U me maritu hà avutu subitu l’idea di crià st’insemi. Hè sempri statu in avanzu nantu à u tempu è ùn s’hè sbagliatu ! »

U patriarca cuntrulleghja a custruzzioni di i piazzili ind’u rispettu di l’architettura pasturali, cù un gustu particulari pà a dicurazioni interna (hè da scopra una cullizioni magnifica d’attrazzi antichi !) Christine, edda,  hè capicucinara. Ind’i stazzili di Piscia, tuttu hè casanu – ancu l’agliu hè sbuchjulatu di mani ! D’altrondi, Christine t’hà una sfida nova : divintà maestra usteriaghja. Senza dubbitu, hà vintu a so scummessa !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu