Aghjugna à u vostru librettu di strada

Antoine - Jean Baptiste DE ROCCA SERRA

A Pignata

Albergu campagnolu - Camari d’ospiti

Accolta : Da aprili à dicembri.

I tarritorii : Sud Corse

I catigurii : I toli & stanzi d’ospiti, ustarii agriculi & alloghji campagnoli

À u principiu ci era solu un baracconu chì facia discutecca è induva vinia à ritruvà si a ghjuvintù di u rughjonu, po, in i primi tempi di l’anni ottanta si cambiò in un picculu albergu cù ghjustu pochi toli. In i dui circustanzi hè u stessu piacè di riceva a raghjoni di l’attività di a famidda Rocca Serra. Trenta anni dopu hè statu sguassatu u baracconu da u paisaghju è dinò da i mimorii da tantu u locu hà cunnisciutu cambiamenti cuntinui par turrà oghji à tempu spaziu di riposu calmu è raffinatu induva si pò dinò tastà una cucina rinumata è di prima trinca. Quand’omu veni à stà in a Pignata faci a scelta di alluntanà si di  issa Corsica spampillulenti è artificiali. Stendu à a Pignata faci a scelta di un lussu discretu ma elaburatu, d’una sputichezza sincera ma oghjinca.

Ci pari d’essa in casa par via di a cura data à u cunfortu chì ci si godi è di a vulintà di sta famidda d’accodda i so ospiti cun cunvivialità, discrezzioni è prufissiunalisimu.

A Pignata hè u spechju di i parsunalità chì l’ani custruita cun pacienza è passioni à u filu di i staghjoni com’è Antoine è Jean-Baptiste chì oghji sò i patroni è com’è i so genitori prima.

Ci si stà bè, hè u primu affari chì si pò dì quì ! Ma stu sintimu nasci da u fattu ch’omu ci si senti Corsu ch’idda fussi vera o micca !