Aghjugna à u vostru librettu di strada

Antoine OTTAVI

l'Inzecca

Ustaria Campagnola

Accolta : Da aprili à sittembri, nantu à riservazioni, ogni ghjornu, meziornu è sera / da a mità di nuvembri à
A mità di marzu, i vennari è sabbatu sera.

I tarritorii : Corsica Livantina

I catigurii : I toli & stanzi d’ospiti, ustarii agriculi & alloghji campagnoli

I pruduzzioni agriculi : U viteddu di Corsica

“Quali hè chì avaria scumessu tandu nantu à a viabilità d’un’ustaria à l’intrata di a sfilarata di l’Inzecca ? “ dici burlendu Antoine Ottavi, u fervidu prupietariu di l’ustaria campagnola L’Inzecca Pinzalone. U stabilimentu apri in u 1987. Tandu, Antoine ùn hà cà 21 anni. « À principiu, erami d’un certu modu a cantina di l’uparaghji incaricati di a custruzzioni di u matrali idrolicu di Sampolu, à a surtita di E Strette. Dopu, s’hè fatta à bocca a rinomina di st’ustaria cù una cucina ghjinirosa è sputica », conta cù umilità l’agricultori.

L’appruvazioni in ustaria campagnola hè uttinuta setti anni più tardi è dipoi tandu si faci a tastera di i prudutti di u rughjoni è di a tinuta. À dilla franca, si vedi chì pà stu cucinaru di furmazioni, ogni scumessa si pò tena ! Quandu u so fratellu, Alain, li cunfidi a so banda di 60 vaccini, hè cù piacè sinceru è veru chì Antoine accetta a so nova missioni.

Ci vò à dì chì dipoi a zitillina, Antoine hè à fiancu à i so antichi pà amparà è ammaistrà i tecnichi di salameria, l’allevu è d’altri tradizioni isulani. Hè una sfida nantu à l’avvena ch’ellu prova à tena l’agricultori passiunatu, sottu à l’ochju attenti di u maiori di a famiglia, Stéphane, à quali u babbu spera di trasmetta i so sapè fà !