Aghjugna à u vostru librettu di strada

Romain PROVENT

U Tragulinu

Cavaddi corsi - Centru equestru

Accolta : Tutta l'annata

I tarritorii : Nebbiu - Capi Corsu

I catigurii : Cultura/natura/binistà/passatempi

Addivà i cavaddi, galuppà nantu à i camini trà mari è muntagna…Romain Provent a dici senza fà maneri : « Mumenti felici, ci n’hè troppu in stu mistieri parchì ni pudissi sceglia unu più cà un antru ! »

U so mistieri hè una passioni. Hè naturali par un omu chì  hè crisciutu à mezu à i cavaddi ! Oghji, u so sonniu hè di spartala cun tanti…Ci sò dighjà i furesteri di passaghju è i ghjovani di u rughjonu chì si ritrovani cun piacè in u so ranch U Tragulinu.

Impiantatu di punta à a famosa spiaghja di rena di Farringule, Romain faci crescia u so addevu cù u so beddu staddonu Cumpagnu. Dapoi u 2012 s’hè datu dinò u scopu di valurizà a razza cavaddina corsa. U cavaddu corsu, U Paganacciu, spicialmenti furzutu è curaghjosu hè una vera ricunquista di u patrimoniu isulanu.

Addivà i cavaddi ùn hè un’attività qualunqua è dumanda un impegnu veru. Ci dici : « Tempu di soli, tempu d’acqua, ci voli à travaddà listessu par mantena a banda è curà a so ripruduzzioni. » Ricunnisciutu da i so pari, Romain ci ricorda chì hè statu cù l’aiutu di a so famiglia è l’aiutu purtatu da a cumuna ch’eddu a s’hè pussuta francà.

Cavalieri principianti o sperti, viniti à spassighjà cun eddu uni pochi d’ori o uni pochi di ghjorni…Da a bocca San Leonardu à a spiaghja di Farringule vi cuntarà a storia di i vigneti cintunarii, di i fiori, di i surghjenti ascosi. ..