Aghjugna à u vostru librettu di strada

Karine LUCIANI

Country Horse

Tinuta equestra - Centru di turisimu equestru

Accolta : Spassighjati nantu à appuntamentu (veda u situ).

I tarritorii : Sud Corse

I catigurii : Cultura/natura/binistà/passatempi

Karin Luciani hè una donna chì sà dirighja ! L’energia spesa in cori di u Country Horse ùn si pò cuntà. À l’età di 39 anni, a cavaliera rinumata pussedi 30 cavalli in issa tinuta agricula assistata, in u 2011, cù i so proprii mezi. Passiunata è innamurata di a natura, Karin voli sempri sparta stu sintimu d’evasioni datu da a spassighjata . Zitedda dighjà, « colla à cavallu »  cunfida Karin,  tali u missiavu ch’ella hà osservatu tantu à u ranch di a so famiglia.

A zitilluccia passa guasgiu tuttu u so tempu à mezu à i cavalli. Ma quandu Principellu ghjugni ind’è i Luciani, stu cavallu angloarabu dà tandu parechji pinseri à Karin, chì ùn hà cà 11 anni. « Coglia si nantu à un cavallu di corsa ùn si pò apparagunà. Hè à parta da stu mumentu quì ch’aghju presu cuscenza ch’e ‘faciu u cavallu’. A me mamma hà presu una dicisioni : ci vulia ch’amparessi a cavalcatura ! ». Dopu à una furmazioni ind’u turisimu equestru è una funzioni di munitori, Karin si senti tantu bè à spassighjà in piena machja o nantu à a marina – vechja tradizioni di famiglia ! – cà in cuncorsu ippicu.

« Ciò chì hè di primura par mè, hè di prifiriscia a qualità di a cavallaria, com’è quilla di u matiriali adattu à ogni prufili è situazioni. A cosa a più imputanti hè di dà nanzu à tuttu issu gustu di l’adrenalina, di rializà issa cumunioni cù l’animali. Hè di sta manera ch’e bramu di furmà i me ghjovani cavalieri. » A chjama hè lampata à l’amatori !