Aghjugna à u vostru librettu di strada

Aurore SARDO

A Nebbiulinca

Farina di castagna AOP - Mirendella à a tinuta agricula –

Accolta : Tutta l'annata, nantu à riservazioni.

I tarritorii : Nebbiu - Capi Corsu

I catigurii : Cultura/natura/binistà/passatempi

I pruduzzioni agriculi : A farin castagnina corsa

Figliola, bisfigliola è bisfigliulina di cultivatori di castagni, Aurore Sardo hè nata in i castagneti. Dinamica è passiunata, a zitedda chì nanzi s’arrampicaia à l’alburi, hè oghji à u capu di l’impresa di famiglia di 20 ettari, A Nebbiulinca, chì pruduci una farina chì rispetta i traduzioni i più sputichi di l’Antichi.

A farina fornina, bruna, biscuttina, faci unori à u sapori zuccaratu di a castagna di Muratu. Aurore accerta, fiera di u so travagliu : « U più chì impremi in u mondu di l’agricultura, hè a sputichezza, un sapè fà anticu. Sta tradizioni hè u nostru patrimoniu, a nostra identità ! »

Aurore hà sempri travagliatu nantu à sti tarri. Ghjovana, passava i so vacanzi d’uttrovi à coglia i castagni. Erani mumenti pradiletti, com’è un rituali magicu chì ripigliaia i gesti di l’antichi. U restu di l’annata, parlendu schiettu è cun simplicità assicuraia a prumuzioni di i castagni viaghjendu in tutti i fieri di Francia, hè ghjunta à cunvincia ancu puru l’esigenti buttrega parighjina Fauchon ! Dopu Aurore hà studiatu a giulugia di a Corsica è d’un’antra banda pigliatu u diploma di capu di splutazioni.

Cun pacienza è vulintà hà oghji tutti i cumpitenzi par assicurà a gestioni di i so tarri.
In u stessu tempu, dapoi sei anni hà sviluppatu un centru par i sciali chì faci scopra u Nebbiu, fendu spassighjati à pedi, visiti guidati di Muratu è di i castagneti.