Aghjugna à u vostru librettu di strada

Joël POLI

La Ferme aux ânes

Spassighjati nantu à u sumeru

Accolta : Tutta l'annata nantu à appuntamentu.

Allevu di sumeri

I tarritorii : Casinca - Castagniccia - Costa Verde

I catigurii : Cultura/natura/binistà/passatempi

Quandu Joël Poli dicidi di piglià dui sumeri in a so tinuta di Prunete in u 2000, hè solu parchì hà a passioni di l’animali cavaddini. Ma st’anzianu ferrali (vint’anni di mistieri) piglia prestu a misura di i pussibilità impurtanti di sta fera.

« Una generazioni sana hà tralasciatu st’animali, in particulari dopu à l’esodiu versu u liturali…è u successu di u mutori à splusioni ! Ma a sapiani l’antichi è oghji si scoprini dinò tutti i so qualità. » .

Vulendu fà tacia i voci chì corrini è chì dicini, cù sbagliu, chì u sumeri hè stupidu, Joël s’impegna à rimetta à l’unori stu cumpagnu travagliadori, sinsibuli è fidu, tipicu di l’isula. Riparti da zeru. Ùn hà paura di a sfida. A so brama di libertà u porta à cuncipiscia animazioni novi par sviluppà a so attività : riceva i sculari, essa prisenti nantu à i marcati di Natali.

Oghji hè pruprietariu d’una banda di quattordici sumeri tutti addivati è addistrati à La Ferme aux Ânes, Joël avvinghji in Costa Verde par fà scopra à i visitatori, pocu impremenu l’anni, u patrimoniu eccezziunali di u rughjonu. In u stessu tempu  ripiglia dinò una tradizioni di famiglia nantu à i tarreni dati in lascita da u missiavu : a racolta di i nucioli racolti è vinduti imbulighjati. Cun filusuffia Joël cuncludi chì : « ci hè un rapportu novu cù a tarra, cù l’animali. Sarà di sicuru u bisognu di sentasi rassicurati in un mondu ch’hà persu i so marchi.