Aghjugna à u vostru librettu di strada

Patrick PAQUET et Françoise ROSSINI

Corsica Essences

Parfumi – Cusmetichi

Accolta : Tutta l’annata nantu à appuntamentu.

I tarritorii : Sartinesi Valincu Taravu

I catigurii : Cultura/natura/binistà/passatempi

Uniti ind’a vita è spartendu a listessa passioni pà a so isula è a so natura ghjinirosa, Patrick è Françoise Paquet si sò righjunti dinò ind’u duminiu prufissiunali pà crià à so cullizzioni di prudutti cusmetichi è di parfumi. Nanzu à què, Patrick, duttori in chimica di l’aromi, avia travagliatu com’è prufumista pà impresi rinumati di Grasse o di Milanu, è issi impresi apprufittani sempri di i so cunsigli assinnati. Ùn ci hè tantu spicialisti in criazioni di parfumi !

Françoise, butanista di furmazioni, s’hè passiunata assai pà l’arti in ghjinirali è u pittori Chagall ind’u particulari, nanzu di vultà à a so prima passioni, quilla di i pianti è di i so sicreti. Insemi, pigliani a dicisioni di vultà in Corsica pà crià ci parfumi chì rispechjani tutti i varietà è tunalità di a natura corsa è tutti i pussibilità di a so criatività attiva.

Ind’u so laburatoriu situatu ind’u paisucciu di Giovicacce, Patrick è Françoise ani elaburatu cù pacenzia è cù passioni, una cullizioni sana di prudutti nobili è fini, è a riputazioni di issi cullizzioni hè andata al di là di i cunfini di u Taravu Supranu Ind’è elli, l’ispirazioni nasci da un sguardu simplici, d’una sola bufulu di st’aria puru carcu di i muschi di a machja è di i furesti vicini.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu