Aghjugna à u vostru librettu di strada

Emmanuel LUCCHINI et Stéphanie CASALTA

Santu Pultru

Tinuta equestra - Vitellu AB - Ripastu à a tinuta

I tarritorii : Sartinesi Valincu Taravu

I catigurii : Cultura/natura/binistà/passatempi, L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

I pruduzzioni agriculi : U viteddu di Corsica

Emmanuel Lucchini è Stéphanie Casalta, dui ghjovani di quaranta anni, creani insemi l’ustaria campagnola U Santu Pultru (chì faci rifarenza à i ruvini di a cappedda di listessu nomi, un pocu più insù nantu à a cuddetta). Ind’un quatru sputicu è fistivu, u liccataghju ci pudarà tastà a carri prudutta da a so splutazioni buina in agricultura biulogica (AB) è una mansa di prudutti lucali di staghjoni.

“Femi dinò u nostru ortu è prupunimi uva pà magnà (di tola) ! Fà cunnoscia i sfarenti pruduttori isulani hè dinò un mezu di piglià cuscenza chì a nostra cara isula pussedi tuttu !” dici surridendu Emmanuel.

Pà stu passiunatu di cavalli, u so avvena ùn si pudia cuncipiscia fora di stu quatru. In u 1992, à l’eta di 20 anni, l’agricultori crea a so tinuta equestra à eddu. Hè righjuntu in u 2008 da Stéphanie, tandu munitrici d’equitazioni. Oghji ghjornu, a spluttazioni pussedi, in più d’una quindicena di vaccini, vintottu cavaddi, distinati à i spassighjati in muntagna, viaghjani in libartà ind’un duminiu di parechji cintunai d’ettari com’è una banda d’animali meza salvatica.

Sicondu Emmanuel, hè “una storia di famiglia”. E di filusufia dinò chì pà issu coppiu, dinamicu è fora di i normi, campà in cori di a natura corsa hè un principiu di vita !