Aghjugna à u vostru librettu di strada

Michèle PANTALACCI

Distillerie Vitalba

Olii essenziali AB – Biudinamia – Idrolati – Olii di massaghju – Olii vegetali – Tinta uttinuta da pianti

Accolta : Da aprili à uttrovi da u luni à u vennari, 2 ori – 6 ori di sera / lugliu-aostu, + sabbatu.

I tarritorii : Sartinesi Valincu Taravu

I catigurii : Cultura/natura/binistà/passatempi

I pruduzzioni agriculi : L’olii essenziali corsi

Isciutu d’una famiglia d’industriali, hè ind’u mezu di a metallurgia ch’ella travaglia Michèle Pantalacci duranti i primi anni di a so vita. Ma parò hè luntanu da i rimori di farraglia chì hà da cunnoscia un avenimentu emuziunali è sensuriali, chì hà da cambià a so vita. « Hè viramenti à casu ch’aghju scupartu l’olii essenziali, ma hè statu subitu una rivilazioni par mè, tantu nantu à u pianu ulfattivu cà emuziunali o psiculogicu. Eru com’è maravigliata da a scuparta di u puteri di i pianti è di i risorsi scunnisciuti cuntinuti in elli », tistimunieghja cù ardori Michele. È cuntinuveghja « Aviu trovu u me andatu ! Urighjinariu di Sartè, u me maritu capisci a me brama è pigliemi tandu a dicisioni di parta da u Meziornu di a Francia pà vena à stallà ci in Corsica ».

Quì, Michele principia a so furmazioni in agricultura è in arumaterapia. Era nata Vitalba ! Trà cuglieri salvatichi ma rigulati è culturi nantu à una bella pianura chì dumineghja a valli di l’Ortolu, Michèle Pantalacci hà sappiutu sviluppà una cullizzioni sana di prudutti Biò chì palesa tutti l’avantaghji lasciati da a natura corsa.