Aghjugna à u vostru librettu di strada

Christelle LEANDRI

Donna è

Cusmetica Biò

Accolta : Tutta l’annata / 9 ori - meziornu è 2 ori – 5 ori di sera è nantu à appuntamentu.

I tarritorii : Balagna

I catigurii : Cultura/natura/binistà/passatempi

Ind’u picculu mondu di a cusmetica isulana, Christelle Leandri faci senta a so musichetta parsunali. « Socu una scentifica nanzi à tuttu è u rivindicheghju parchì ùn sò ghjunta à a cusmetica à casu. » Di fatti, dopu à u so dutturatu di chimica à l’università di Nizza, à u laboratoriu di l’Aromi è di i Parfumi, Christelle principia à travaglià ind’è i prufumisti di Grassa i più rinumati.

Po l’hè vinuta à pocu à pocu l’idea di crià una cullizzioni di cusmetichi corsi. « Sò stata una di i piunieri nantu à u marcatu di a cusmetica corsa, ma dipoi ch’aghju principiatu, tengu a ammaistrà l’insemi di u prucessu di fabricazioni di i me prudutti, da a furmulazioni chimica sinu à u cundiziunamentu », spiega a ghjovana. D’altrondi, Christelle parla di ‘curamenti’ è micca di prudutti : « Ancu s’è i me curi cusmetichi piacini, hè nanzi à tuttu a so efficacità ch’e ricercu. Hè cù l’utilità di i me curamenti ch’e vogliu siducia è fidelizà i me clienti. Socu indiata dinò ind’una dimarchja eculogica è ambientali forti è a me cullizzioni sana hè labilizzata biò. Ùn faciu eiu ‘cusmetica di siduzioni’ », dici Christelle cù ditarminazioni.

A scumessa di l’efficacità è di a pricisioni scentifica hè oghji una riescita postu chì avà u marcatu di a spurtazioni s’apri pà Christelle ancu da l’altra parti di u mondu.