Aghjugna à u vostru librettu di strada

Pauline GENTHIAL

Spiruline de Corse

Spirulina

Accolta : Maghju à uttrovi, da u luni à u vennari, chjamà nanzi.

I tarritorii : Sud Corse

I catigurii : È dinò…

A spirulina hè una cianubatteria chì veni da i rughjoni trupicali di a pianeta : Etiupia, Madagascar, India…È oghji si trova dinò in Corsica ! In u 2010, hè un amicu soiu, chì ni faci a cunsumazioni, chì faci scopra a spirulina à Pauline Genthial. Edda, chì da zitedda hè passiunata da l’uceanugrafia, ni studieghja i caratteristichi è cerca ducumentazioni nantu à i tecnichi di ripruduzzioni. « Hè passiunanti st’alga : oghji hè un mezu di riassistà u fenomenu di u gattivu manghjà tantu sparsu in i paesi uccidintali è, à tempu, hè robba chì pò aiutà à frinà u malnutrimentu chì no cunniscimi in i paesi in via di sviluppu. » Hè una raghjoni tamanta par a ghjovana donna impignata chì decidi in u 2011 a cultura di a spirulina made in Corsica ! Sò bastati quattru mesi di furmazioni spicializata in Hyères parchì Pauline amparessi à mettali in cultura.

Oghji si poni veda dui vaschi nantu à l’impresa di famiglia. Ùn ci hè bisognu ad essa endemica à a tarra isulana ! «  U più impurtanti hè di ricrià à u più ghjustu u so ambienti naturali » ci spieca sta ghjovana donna passiunata da a natura. À u principiu, Pauline s’hè fatta valè à u cuncorsu « I bucchifini attalintati 2015 » in Porti Vechju.

A spirulina di Corsica hè dighjà prisenti in i risturanti i più rinumati di l’isula.              

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu