Aghjugna à u vostru librettu di strada

Bernadette JOURNET -CASALTA

Le Fournil Bio

Pani è biscotti Biò

Accolta : Apertura: tuttu l'annu - solu in cumanda
Vendita in u Mercatu di Bastia - Ogni sabatu ( a mane)

I tarritorii : Nebbiu - Capi Corsu

I catigurii : È dinò…

Nata ind’un mulinu di Champagne, isciuta da una famiglia di pruduttori di biada, hè in Corsica, in Barbaghju, in a so piccula panatteria artighjanali, chì Bernadette hà trovu oghji a so piazza ! U so parcorsu ? Beddu. Simplici. Luminosu. Com’à edda !

A 23 anni Bernadette t’hà un veru colpu di cori pà a Corsica…

Ci si stalla, ci si marita è dà nascita à i so trè ziteddi. Com’è una bona mamma di famiglia, piglia u tempu d’appruntà edda stessa u so pani… Dighjà, piglia piacè è fiertà à veda a pasta trasfurmà si sottu à l’ochji, à senta l’adori bonu di u pani caldu sparghja si in casa sana… Com’è richjappa da i so orighjini, piglia a dicisioni di divintà panattera !

Da sempri, u pani hè statu simbulu di vita è di spartera ; hè ind’è a virità è a simplicità chì Bernadette Journet li rendi oghji umaghju. U soiu hè fattu solu di farini biò cumpleti o mezi cumpleti, d’acqua è di sicuru, di levitu… U so levitu, à puntu, hè priziosu ! Hè ancu U CORI di a so panatteria ! Ogni ghjornu, faci casu à nutriscia lu d’acqua, di farina,… una cura guasgiu materna chì ci ramenta chì ind’i tempi, u pani era nanzituttu un affari di donni…

Ogni marti, ghjovi è sabbatu, piglia u migliori di u passatu, u migliori di u prisenti pà offra vi beddi micchetti chì si cunservani assai, certi sò cù i cereali, certi cù i spezii, cù  i frutti…si vendini …cù successu !